Tarzoma ta barke a Afrika ta tsakiya kan takarar shugabanci Bozize

Sabuwar tarzoma ta kunno kai a birnin Bangui na Jamhuriyar Afrika ta tsakiya, inda masu zanga-zanga suka kafa shingaye a tsakiyar hanya.Rikicin ya biyo bayan umarni da kotun fasalta kundin tsarin mulkin kasar ta yanke na haramtawa tsohon shugaban kasar Francois Bozize tsaya wa takarar a zaben shugabancin kasar da za a gudanar a ranar 27 ga watan Disamba shekarar nan. 

Kotu ta haramtawa François Bozizé tsayawa takarar shugabanci kasar Afrika ta Tsakiya Africanarguments.org

Rahotanni sun ce anyi ta jin karar harbe-harben bindiga a yankuna takwas na birnin yayin da kasar Faransa ta bukaci al-ummarta da su kaurace wa yankunan.

A na dai kyautata zaton cewa zaben zai dawo da kwanciyar hakankali a kasar wadda ta shafe shekaru biyu tana fuskantar rikici tsakanin Musulmai da Krista.