Mutane 12 sun mutu sakamakon harin Alshabab a Mogadishiu

Hukumomi a kasar Somalia sun tabbatar da mutuwar mutane 12, sakamakon harin da ‘yan bindiga suka kai a wani hotel da ‘yan majalisar dokokin kasar ke zaune a birnin Mogadishiu.

Harabar fadar shugaban kasar Somalia REUTERS/Feisal Omar

Majiyoyin ‘yan sanda sun ce a sanyin safiyar yau ne ‘yan bindigar suka afka wa wannan hotel, yayin da wasu majiyoyi ke cewa da farko wata mota ce da aka dana bam ta tashi a harabar wannan hotel kafin a fara buda wuta.

Tuni dai jami'an wanzar da tsaro da zaman lafiya na Tarayyar Afirka suka kwace iko da wannan otel.