Amurka ta aike da sako zuwa Alassane Ouattara

Kasar Amurka ta aike wa Alassane Ouattara sakon taya murna dangane da nasarar da ya sama a zaben da aka yi masa a matsayin shugaban Cote D’Ivoire domin yin wa’adin mulki na biyu.

Alassane Ouattara Shugaban Kasar Cote D'ivoire AFP PHOTO / ISSOUF SANOGO

Sanarwar da ma’aikatar wajen Amurka ta fitar ta bayyana zaben Ouattara da kimanin kashi 84 cikin dari na kuri’un da ake jefa a matsayin wata dama domin sake gina kasar ta Cote d’ivoire wadda ta yi fama da rikici na shekaru kusan 10.