Macky Sall ne sabon shugaban ECOWAS

Shugabannin kungiyar gamayyar tattalin arzikin Yammacin Afrika ECOWAS ko CEDEAO, sun zabi shugaban kasar Senegal Macky Sall a matsayin sabon shugaban kungiyar. An zabi Shugaba Sall ne a taron da shugabannin kungiyar suka gudanar a birnin Accra na kasar Ghana.

Shugaban Ghana John Dramani Mahama na Ghana da Macky Sall na Sénégal da Shugaban Najeriya Goodluck Jonathan Photos AFP et REUTERS

Macky Sally a karbi ragamar shugabancin ECOWAS ne daga hannun shugaban kasar Ghana John Dramani Mahama, karkashin tsarin kungiyar na karba-karba.

Shugabannin sun yaba wa Shugaban Najeriya mai jiran gado Goodluck Jonathan bayan ya amince da shan kaye a zaben kasar da aka gudanar a watan Maris.

Kungiyar ECOWAS ta ce dattakun da Goodluck Jonathan ya nuna a Najeriya, ya tabbatar da ci gaban dimokuradiya a Nahiyar Afrika.