Likitan Amurka ya kamu da Ebola a Liberia

Wani likitan kasar Amurka da ke aikin kula da cutar Ebola, shi ma ya kamu da cutar a kasar Liberia. Wata Kungiyar agaji tace an kwantar da Likitan mai suna Dr Kenta Brantly a wata Asibiti a birnin Manrovia a kasar Liberia.

Wasu masu jinyar cutar Ebola a kasar Saliyo REUTERS/Tommy Trenchard

Likitan yana aiki ne da wata Kungiyar agaji ta Samaritan Purse, kuma a cikin wata sanarwa da kungiyar ta wallafa a shafinta na Intanet, tace Likitan yana da Mata da ‘yaya biyu.

Cutar Ebola dai yanzu ta zama annoba a yammacin Afrika inda a kwanan ne aka samu bullar cutar a Najeriya bayan ta yi kisa a kasashen guine da Liberia da Saliyo.