Turkiya ta zargi Isra'ila akan rikicin Masar

Firayi ministan kasar Turkiyya Racep Tayyep Erdogon ya soki lamarin kasar Isra’il da kuma wani malamin Falsafa na kasar Faransa mai suna Bernard-Henri-Levy dangane da abin da ya kira mummunar rawar da suka taka wajen kifar da gwamnatin kasar Masar. Erdogon wanda ke gabatar da jawabi a jami’ar garinsa na asali mai suna Rize, a arewa maso gabashin kasar, ya ce tun a 2011 ne tsohuwar ministar harkokin wajen Isra’ila Tipzi Livni da kuma Bafaranshen mai suna Bernard, suka tado mahawara domin nunawa duniya hatsarin zuwan ‘yan uwa musulmi kan karagar mulki.