Clinton ta kai ziyara kudancin Sudan

Sakatariyar harakokin wajen Amurka Hillary Clinton ta fara ziyara kasar Sudan ta Kudu, a wata ziyarar farko da wani babban jami’in Amurka ya kai tun ballewar Juba daga Sudan a bara.Ana sa ran Clinton za ta gana da Shugaba Salva Kiir, domin tattauna rikicin Juba da Arewacin Sudan.

Sakatariyar Harkokin Wajen Kasar Amurka, Hillary Clinton, a lokacin da take zantawa da manema labarai a Uganda

Tun ballekwar yankin Kudanci a watan Yulin bara, Akwai yarjejeniyar mallakar yankunan da ke da arzikin Man Fetir da har yanzu ake takaddama akai tsakanin Juba da Sudan.

A ranar 2 ga watan Agusta ne wa’adin da Majalisar Dinkin Duniya taba kasashen domin sasanta kansu ya kawo karshe.

A yau Juma’a ne kuma ake sa ran tawagar kasashen Biyu za su gana da wakilan kungiyar tarayyar Afrika da kuma Majalisar Dinkin Duniya don warware rikicinsu.