Zai yi wuya na halarci gasar French Open- Murray

Dan wasan Tennis na biyu a duniya, Andy Murray ya ce akwai yiwuwar ba zai halarci gasar French Open ba bayan wani ciwo a bayansa da ya tilasta mai ya fice daga gasar Rome Masters da ake bugawa a kasar Italiya.“Zan yi mamaki kwarai idan har na samu damar halartar gasar French Open na bana.” Inji Murray.  

Dan wasan Tennis Andy Murray na Birtaniya REUTERS/Daniel Munoz

A cewar Murray ciwon bayan ya jima yana addabarsa tun a shekarar 2011, wanda yake kara tsananta a ‘yan kawanakin nan.

Sai dai a daya bangaren, Rafeal Nadal wanda ya lashe Madrid Masters na cigaba da samun nasara a gasar ta Rome Masters bayan ya doke Fabio Fognini dan kasar Italiya da ci 6-1,6-3.