Origi na Liverpool ya tsawaita kwantiraginsa a Club din

Dan wasan Liverpool Divock Origi ya sanya hannu kan yarjejeniyar tsawaita kwantiraginsa da Club din.

Divock Origi yayin wasan gab da na karshe da Liverpool ta lallasa Barcelona da kwallaye 4 da nema REUTERS/Phil Noble

Origi dan asalin kasar Kenya da ke taka leda a kungiyar kwallon kafar kasar Belgium tun a shekarar 2014 ya kulla kwantiragin shekaru 5 da Liverpool kan yuro miliyan 10 amma ya shafe tsawon kakar wasa 2 a matsayin aro can a Lille ta Faransa.

Sai dai dawowarsa tawagar ta Liverpool cikin watan Disamban bara ya bayar da gagarumar gudunmawa ga nasarar Liverpool a gasar cin kofin zakarun Turai, musamman wasansu da Barcelona inda ya zura kwllaye 2 da kuma wasan karshe da shima ya yi nasarar zura kwallo guda da ya basu damar dage kofin gasar.

Cikin kakar wasa biyu dai Origi ya zura kwallaye 21 a bangaren Liverpool.