Leicester City ta kori kocinta

Kungiyar Leicester City ta kori kocinta Claude Puel, kwana guda bayan kayen da ta sha a fafatawar ta da Crystal Palace a gasar Premier.

Claude Puel, kocin da Leicester City ta kora. Reuters/Andrew Couldridge

Yayin wasan da ya gudana a ranar Asabar, Crystal Palaca ta yi tattaki ne har filin wasan na Leicester King Power, ta kuma lallasa ta da kwallaye 4-1.

Kayen da Leicester ta sha a karshen makon ya sa a jimlace ta yi rashin nasara a sau biyar kenan daga cikin wasanni shidda da ta buga a baya bayan nan, sai kuma fitar da kungiyar ta Leicester daga gasar cin kofin FA a ranar 6 ga watan Janairu, a karkashin kocin na ta da ta kora Claude Puel, tare da mataimakinsa Jacky Bonnevay.

A halin yanzu mataimakan Puel a baya, da suka hada da Mike Stowell da Adam Sadler ne za su ci gaba da aikin horar da ‘yan wasan kungiyar.