Chelsea ta sanya farashin euro miliyan 12 kan Moses
Kungiyar Chelsea ta sanya farashin euro miliyan 12 kan dan wasanta Victor Moses, biyo bayan tayin sayensa da Crystal Palace ta yi.
Wallafawa ranar:
Moses dan Najeriya mai shekaru 27, yana fuskantar kalubalen yawaitar zaman benci bayan zuwan sabon kocin Chelsea Maurizio Sarri, inda zuwa yanzu wasanni 6 kawai ya bugawa kungiyar a karkashin sabon mai horarwar.
Victor Moses wanda ya fi samun karbuwa a zamanin Antonio Conte, ya bugawa Chelsea wasanni 40 a kakar wasa ta 2016/2017 wadda cikinta ta daga kofin gasar Premier, yayinda a kakar wasa ta bara ya bugawa kungiyar wasanni 38.
A shekarar 2012, Chelsea ta sayi Moses daga kungiyar Wigan kan kudi fam miliyan 9.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu