Mbappe ya kafa wa PSG sabon tarihi

Dan wasan Faransa Kylian Mbappe ya jagoranci PSG wajen kafa sabon tarihin samun nasara a wasanni tara jere da juna a farkon kaka, in da ya zura kwallaye hudu a karawar da suka doke Lyon da ci 5-0 a gasar Lig 1.

Kylian Mbappe tare da abokan taka ledarsa a PSG REUTERS/Gonzalo Fuentes

PSG a karkashin kocinta, Thomas Tuchel ta zamo kungiya ta farko da ta samu nasara a wasanni tara a jere tun bayan Olympique Lillois wadda ta samu nasara a wasanni takwas a jere a shekarar 1936, kimanin shekaru 82 da suka gabata.

Dan wasan Brazil Neymar ne ya ya jefa kwallo ta biyar a bugun fanaritin da PSG ta samu.

Mbappe ya jefa kwallaye 11 a wasanni 9 da ya buga a wannan kakar wasannin.