Saurare Saukewa Podcast
  • 06h00 - 06h17 GMT
    Labarai 18/09 06h00 GMT
  • Labarai 06h00 - 06h06 GMT Asabar-Lahadi
    Labarai 16/09 06h00 GMT
  • Shirye-shirye 06h06 - 06h26 GMT Asabar-Lahadi
    Shirye-shirye 16/09 06h06 GMT
  • 06h17 - 06h27 GMT
    Shirye-shirye 18/09 06h17 GMT
  • 07h00 - 07h17 GMT
    Labarai 18/09 07h00 GMT
  • Labarai 07h00 - 07h06 GMT Asabar-Lahadi
    Labarai 16/09 07h00 GMT
  • Shirye-shirye 07h06 - 07h26 GMT Asabar-Lahadi
    Shirye-shirye 16/09 07h06 GMT
  • 07h17 - 07h27 GMT
    Shirye-shirye 18/09 07h17 GMT
  • Labarai 16h00 - 16h06 GMT Asabar-Lahadi
    Labarai 16/09 16h00 GMT
  • Labarai 16h00 - 16h30 GMT Litinin-Jumma`a
    Labarai 18/09 16h00 GMT
  • Shirye-shirye 16h06 - 16h26 GMT Asabar-Lahadi
    Shirye-shirye 16/09 16h06 GMT
  • Labarai 16h00 - 16h06 GMT Asabar-Lahadi
    Labarai 16/09 16h30 GMT
  • Labaran Duniya 16h30 - 16h40 GMT Litinin-Jumma`a
    Labarai 18/09 16h30 GMT
  • Shirye-shirye 16h36 - 16h56 GMT Asabar-Lahadi
    Shirye-shirye 16/09 16h36 GMT
  • Ra'ayoyin Masu Saurare 16h40 - 16h55 GMT Litinin-Jumma`a
    Jin Ra'ayoyin Masu Saurare 18/09 16h40 GMT
  • 20h00 - 20h17 GMT
    Labarai 18/09 20h00 GMT
  • Labarai 20h00 - 20h06 GMT Asabar-Lahadi
    Labarai 16/09 20h00 GMT
  • Shirye-shirye 20h06 - 20h26 GMT Asabar-Lahadi
    Shirye-shirye 16/09 20h06 GMT
  • 20h17 - 20h27 GMT
    Shirye-shirye 18/09 20h17 GMT
Domin more wa abubuwan da ke ciki, dole ne a tabbatar da cewa an sanya Flash Domin shiga sai an hada cookies a cikin shafin bincike
Wasanni

Kungiyoyi a Najeriya za su buga wasannin Premier 8 cikin wata guda

media 'Yan wasa, da masu horar da kungiyoyin kwallon kafa da ke Najeriya sun koka bisa gajeren wa'adin kammala gasar Premier ta kasar. SCORE NIGERIA

Masu horar da kungiyoyi, magoya baya da kuma ‘yan wasan da ke bugawa kungiyoyin kwallon kafa da ke buga gasar Premier League ta Najeriya sun koka bisa yawan wasannin da za su buga cikin gajeren wa’adi.

Koken dai ya biyo bayan lafawar da kura ta yi dangane da rikicin shugabancin hukumar kwallon kafar Najeriyar NFF, tsakanin Amaju Pinnick da Chris Giwa.

An dai shafe kusan shekru hudu ana takaddama kan sahihin shugaban hukumar ta NFF, tsakanin Giwa da Pinnick abinda ya sa FIFA yin gargadin haramtawa Najeriya da ma jami’anta shiga, ko gudanar da wasanni a cikin gida, nahiya da ma kasa da kasa.

A halin yanzu dai Najeriya ta fice daga wannan barazana ta fuskantar fushin FIFA, bayan da mataimakin shugaban kasar Farfesa Yemi Osinbajo ya gana da bangarorin masu rikici da juna da kuma sauran masu ruwa da tsaki, inda ya tabbata Amaju Pinnick ne zai ci gaba da kasancewa shugaban hukumar kwallon ta Najeriya.

Nasarar kawo karshen rikicin ya sa wasannin Najeriyar da suka dakata a matakin kasa tsawon watanni 2, za su ci gaba da gudana, ciki har da gasar Premier League wadda rikicin shugabancin NFF ya fi haddasawa koma baya.

Tuni dai hukumar LMC da ke shirya gasar Premier ta Najeriya ta tsayar da ranar 2 ga watan Satumba a matsayin lokacin da wasannin gasar za su ci gaba, sai kuma ranar 28 ga watan Oktoba lokacin da za’a rufe gasar.

Sai dai masu iya magana sun ce ba’a nan gizo ke sakar ba, domin kuwa jadawali ko wa’adin da aka debawa karashen gasar ta Premier ya nuna cewa kowace kungiya za ta buga wasannin gasar kadai har guda 8 a cikin wata guda, a gefe guda kuma akwai sauran wasanni na gasar cin kofin AITEO da kungiyoyin za su buga.

Sai dai duk da wannan kalubale, da alama babu wani zabi ga kungiyoyin Najeriyar face rungumar kaddara, la’akari da cewa hukumar LMC da ke shirya gasar Premier ta kasar, ta gajarce wa’adin buga wasannin ne, bisa umarni da sabon tsarin hukumar kula da kwallon kafar nahiyar Afrika, wadda ta ce daga yanzu, sabuwar kakar wasanni a kowace kasa za ta soma ne a kowane watan Disamba.

A game da wannan maudu'i
Sharhi
 
Yi hakuri lokacin ci gaba da kasancewa da mu ya kure