Salah ya sake kafa tarihi a Ingila

Dan wasan Liverpool Mohamed Salah ya sake kafa wani sabon tarihin zura kwallo a gasar firimiyar Ingila, in da kuma ya taimaka wa kugiyar wajen samun gurbi a gasar cin kofin zakarun Turai a kaka mai zuwa.

Mohamed Salah na Liverpool REUTERS/Andrew Yates

Salah wanda ya fi zura kwallaye a kakar bana a firimiyar ta Ingila, ya ci wa Liverpool kwallo guda a fafatawar da suka doke Brighton da ci 4-0 a jiya Lahadi.

Salah ya karbi kyauyar takalmin zinari a matsayinsa na wanda ya fi zura kwallaye a bana a gasar, sannan ita kanta Liverpool ta karrama shi a matrayin gwarzonta na shekara.

A bangare guda ana iya cewa, Liverpool din ta tsallake rijiya da baya, domin kuwa da ta yi sakacin rashin samun nasara akan Brighton, sannan kuma Chelsea ta doke Newcastle, to da babu shakka Liverpool din za ta rikito daga matakin kungiyoyi hudu da ke saman teburin gasar.