Isa ga babban shafi
wasanni

Ko Madrid na cikin fargabar rashin Ronaldo a wasanta da Liverpool?

Mai horar da kungiyar kwallon kafa ta Real Madrid Zinedine Zidane, ya ce, akwai yiwuwar gwarzon dan wasansa, Christiano Ronaldo zai murmure gababnin fafatawar karshe da za su yi da Liverpool a gasar cin kofin zakarun nahiyar Turai.

Cristiano Ronaldo ya samu rauni a sahun kafarsa a yayin karawa da Barcelona a gasar La Liga ta Spain
Cristiano Ronaldo ya samu rauni a sahun kafarsa a yayin karawa da Barcelona a gasar La Liga ta Spain REUTERS/Susana Vera
Talla

Ronaldo mai shekaru 33 da haihuwa ya yi rauni a sahun kafarsa a yayin karawar da suka tashi 2-2 da Barcelona a jiya a gasar La Liga ta Spain, kuma nan gaba kadan ne za a dauki hoton sahun nasa.

Ronaldo wanda ya samu raunin a yayin zura kwallo a ragar Barcelona, bai kammala wasan na jiya ba, yayin da aka sauya shi bayan dawowa daga hutun rabin lokaci.

Zidane ya ce, ba zai iya bada bayani ba game da tsawon lokacin da Ronaldo zai shafe na jinya amma dai kawo yanzu yana jin jiki.

Zidane ya kara da cewa, ko kadan ba su da wata fargaba game da karawar karshe da za su yi da Liverpool a gasar ta zakarun Turai a ranar 26 ga wannan wata na Mayu a birnin Kiev na Ukraine.

Real Madrid dai na fatan lashe kofin na zakarun Turai karo uku a jere.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.