Isa ga babban shafi
Wasanni

"Wasanmu da Najeriya darasi ne babba"

Dan wasan gaba na kasar Poland Robert Lewandoski, ya wasan sada zumuncin da suka yi rashin nasara a hannun Najeriya da 1-0, zai zama darasi a garesu, yayin da suke tunkarar halartar gasar cin kofin duniya a Rasha.

Dan wasan gaba ba Poland kuma kaftin, Robert Lewandowski.
Dan wasan gaba ba Poland kuma kaftin, Robert Lewandowski. Reuters
Talla

Lewandoski wanda ya ci wa kasarsa kwallaye 9 a wasanni 6, ya bayyana haka ne bayan kammala wasan sada zumuncin da suka fafata a ranar Juma’a.

Dan wasan ya kara da cewa kamata ya yi su ‘yan wasan na Poland su samu nasara akan Najeriya, domin kuwa a bayyane take, ‘yan wasan na Najeriya sun gaza tabuka abin azo a gani, wajen samawa kansu hanyoyin zura kwallaye a ragarsu.

Shi ma a nashi bangaren, mai horar da tawagar kwallon kafar Najeriya, Gernot Rohr ya ce akwai bukatar ‘yan wasansa su kara nutsuwa da yin taka tsantsan a wasannin da zasu tunkara a nan gaba, duk da cewa sun samu nasara akan Poland, kasa ta 6 a matakin mafi kwarewa a fagen kwallon kafa a duniya.

Rohr ya ce samun nasara akan kasashe kamar Argentina da Poland a wasannin sada zumunci ba shi bane zai bai wa Najeriya damar lashe kofin gasar kwallon kafa ta duniya ba.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.