Iheanacho ya kafa tarihi a alkalancin bidiyo a Ingila

Dan wasan Najeriya da ke taka leda a Leicester City, Kelechi Iheanacho ya zama dan wasa na farko da ya zura kwallon da fasahar bidiyon alkalanci ta amince da ita a Ingila.

Kelechi Iheanacho na murnar kwallon ne ya zura kwallayen biyu a fafatawar Leicester City da Fleetwood REUTERS

An fara amfani da wannan fasahar ce don taimaka wa alakalin wasa wajen yanke hukunci, yayin da Iheanacho ya fara zura kwallon farko da bidiyon ya amince da ita a fafatawar da kungiyarsa ta casa Fleetwood da ci 2-0 a a gasar FA a jiya Talata.

A karo na uku kenan da ake gwajin wannan fasahar a Ingila, in da aka yi amfani da ita a fafatawar da Brighton ta yi da Crystal Palace da kuma karawar da Chelsea ta yi da Arsenal duk a cikin wannan watan na Janairu.