"Ya kamata 'yan Manchester United su zuki sigari"

Kocin Manchester United Jose Mourinho ya ce, kamata ya yi su zuki tabar sigari saboda nasarar da suka samu akan Watford a fafatawarsu ta jiya a gasar Firimiya ta Ingila, in da suka ta shi ci 4-2.

Kocin Manchester United, Jose Mourinho Reuters/Darren Staples

Manchester United ce ta fara zura kwlallaye uku, yayin da Watford ta farke kwallaye biyu a minti na 77 da kuma 84, amma daga bisani Jesse Lingard ya ci wa Manchester Kwallo ta hudu.

Ashley Young ne dai ya ci wa Manchester United kwallaye biyu a mintina na 19 da kuma 25, kuma Mourinho ya ce, a yanzu Young na taka leda cin kwarewa fiye da yadda ya ke yi a can baya.

Manchester United da ta sha kashi a wasanninta guda biyu da ta yi da Huddersfield da Chelsea, ita ce ta biyu a teburin gasar ta Firimiya a Ingila, in da ta ke bin bayan Manchester City.