Isa ga babban shafi
Wasanni

Cavani yayi watsi da tayin bashi alawus na euro miliyan 1

Kungiyar kwallon kafa ta Paris Saint Germain ta yi wa dan wasanta na gaba Edison Cavani tayin rika biyanshi euro miliyan daya a matsayin alawus na musamman, domin lallashinsa ya rika bai wa Neymar damar bugun daga kai sai mai tsaron gida.

Edison Cavani, yayinda ya gaza jefa kwallo a ragar kungiyar Lyon, bayan samun damar bugun daga kai sai mai tsaron gida.
Edison Cavani, yayinda ya gaza jefa kwallo a ragar kungiyar Lyon, bayan samun damar bugun daga kai sai mai tsaron gida. REUTERS/Benoit Tessier
Talla

A makon daya gabata ne aka samu sa’insa tsakanin Neymar da Cavani, bisa wanda ya dace yayi bugun daga kai sai mai tsaron gida a wasan da suka samu nasara kan Lyon da kwallye 2-0, a waccan lokacin dai duk da bukatar amfani da damar bugun da Neymar ya nuna, Cavanin ne ya buga kuma ya gaza jefa kwallon a raga.

A wani yunkurin kawo karshen takaddamar ce, shugaban kungiyar ta PSG Nasser Al-Khelaifi ya yi wa Cavani tayin rika biyanshi alawus na euro miliyan daya, sai dai Cavani yaki amincewa da hakan.

A jimlace, tun daga kakar wasa ta 2013 zuwa yanzu, Cavani ya ciwa kungiyarsa ta PSG kwallaye 95 a wasanni 140 da ya buga.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.