Rahotanni daga Najeriya, na cewa hukumar shirya zabe INEC, na ganawa da masu ruwa da tsaki, jami'an sa ido kan zabukan kasar na cikin gida da na kasashen ketare, dangane da yiwuwar dage zaben shugaban kasa da 'yan majalisun dokokin tarayyar kasar na ranar 16 ga watan Fabarairu. Babu cikakken karin bayani kan dalilan da suka haddasa wannan taro na gaggawa, sai dai wata majiya ta ce rashin isar kayayyakin aikin zabe zuwa wasu yankuna na daga cikin batutuwan da ka 'iya haddasa sauya ranar zabukan.
Paris Saint-Germain ta gabatar da Dani Alves
Reuters
Paris Saint Germain ta gabatar da Dani Alves dan wasan Brazil da ta karbo daga Juventus inda ya sanya hannu kan yarjejeniyar shekaru biyu da kungiyar.
Dan wasan ya ce yana fatar kafa tarihi idan ya lashe kofin zakarun Turai da Paris Saint Germaine.
An yi zaton dan wasan zai koma Manchester City City domin sake haduwa da tsohon kocinsa Pep Guardiola da ya horar da shi a Barcelona.
Amma Alves ya yi watsi da bukatar bayan PSG ta taya shi fiye da kudaden da City ta ce zata bashi.
Dan wasan zai karbi kudi euro miliyan 14 a duk shekara.
