Huddersfiled ta shiga gasar Premier ta Ingila

Kungiyar kwallon kafa ta Huddersfield ta samu nasarar shiga babbar gasar Premier ta Ingila bayan ta doke Reading da ci 4-3 a karamar gasar Lig ta kasar.

'Yan wasan Huddersfield Town tare da kocinsu David Wagner REUTERS

Huddersfiled ta casa Reading ne a bugun daga kai sai mai tsaren gida a fafatawar da suka yi a ranar Litinin a Wembley, in da suka fara shafe tsawon mintina 120 ba tare da jefa kwallo ko guda ba, abin da ya sa aka kai ga bugun Fanariti.

Tun dai shekarar 1972, raban da Huddersfield ta shiga gasar Premier ta Ingila, sai a wannan karon.