Isa ga babban shafi
Kwallon kafa

Sampaoli zai zama kocin Argentina

Argentina na shirin ba Jorge Sampaoli aikin horar da ‘yan wasan kasar bayan kungiyar Sevilla ta tabbatar da cim ma yarjejeniya tsakaninta da hukumar kwallon kafar kasar.

Jorge Sampaoli ya lashewa Chile Copa Amerika
Jorge Sampaoli ya lashewa Chile Copa Amerika Reuters/Marcelo del Pozo
Talla

Sampaoli ya yi kokarin kai Sevilla matsayi na hudu a teburin La liga a bana a cikin shekara daya da ya karbi aikin horar da kungiyar.

Argentina dai na fuskantar barazanar kasa tsallakewa zuwa gasar cin kofin duniya a karon farko tun a 1970.

Zuwan Argentina gasar cin kofin duniya a Rasha ne babban kalubalen da ke gaban Sampaoli bayan ta sha kashi hannun Bolivia a watan Maris.

Argentina na matsayi na biyar ne a teburin kasashen kudancin Amurka, kuma kasashe hudu ne kawai ke da hurumin zuwa gasar cin kofin duniya da za a gudanar a Rasha a 2018.

Sampaoli zai fara jagorantar Argentina a wasan sada zumunci tsakaninta da Brazil a 9 ga Yuni, kafin wasa da Uruguay a Agusta domin neman shiga gasar cin kofin duniya
 

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.