Podolski ya jagoranci nasarar da Jamus ta samu kan Ingila
Shahararren dan wasan gaba na tawagar kwallon kafar kasar Jamus Lukas Podolski ya jagoranci samun nasarar da kasarsa ta yi kan kasar Ingila da 1-0.
Wallafawa ranar:
Podolski wanda ya rike matsayin kaftin din tawagar Jamus a karo na farko, ya jefa kwallo daya tilo a ragar Ingila a minti na 69 da fara wasan sada zumuncin da ya gudana a jiya Laraba.
An dai shirya wasan sada zumuncin ne da nufin karrama dan wasan da a yanzu yayi ritaya daga bugawa kasar tasa kwallo.
A shekaru 13 da ya shafe yana wakiltar Jamus, Podolski ya zura kwallaye 49 a wasanni 130 da ya buga mata.
Karo na bakwai kenan a jere da Jamus ke samun nasarar a wasannin da ta fafata.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu