Pogba na dab da zama dan Wasan Manchester
Rahotanni sun ce nan da sa’o’I 48 kungiyoyin Manchester United da Juventus za su kawo karshen akan cinikin dan wasan Faransa Paul Pogba akan kudi euro miliyan 110.
Wallafawa ranar:
Jaridun Italiya sun ce Manchester za ta amince da farashin da Juventus ta aza akan Pogba wanda kyauta Man U ta saki dan wasan a 2012.
Idan dai har haka ta tababbata Pogba zai kasance tsadadden dan wasa a duniya.
Kafar wasanni ta Sky Sport a Italiya ta ce daga nan zuwa gobe Juma’a ana iya kawo karshen cinikin.
Amma wasu jaridun Birtaniya tuni suka ruwaito cewa cinikin ya kankama, kuma Man U ta amince ta biya dan wasan kudi fam dubu ashirin da biyar duk mako.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu