Platini na ci gaba da fuskantar tuhuma

An kaddamar da sabbin tambayoyi game da karban cin hancin Swiss France miliyan 2 da ake zargin shugaban hukumar kwallon kafa ta Turai Michel Platini da karban su ba bisa ka’ida ba daga hannun Sepp Blatter, jagoran hukumar FIFA.

Shugaban hukumar kwallon kafa ta duniya, Sepp Blatter, da Michel Platini REUTERS/Arnd Wiegmann/Files

To sai dai har yanzu Platini ya jajirce kan cewa shi bai aikata wani laifi ba kuma zai tsaya takarar shugabancin hukumar kwallon kafa ta duniya.

A nata bangaren hukumar kwallon kafa ta kasar Ingila ta ce, ta na goyon bayan Platini dangane da neman kujerar shugabancin FIFA amma kuma ta goyi bayan a bincike shi game da wannan zargi na karban kudade ba bisa ka’ida ba.