Bale ya ci Tottenham

Gareth Bale ya zira kwallo a ragar tsohuwar kungiyar shi Tottenham inda Real Madrid ta samu nasara da ci 2-0 a wasan sada zumunci da suka buga a jiya Talata. Yanzu Real Madrid za ta hadu da Bayern Munich a wasan karshe na gasar lashe kofin Audi a Jamus.

Gareth Bale ya zira kwallo a ragar tsohuwar kungiyar shi Tottenham inda Real Madrid ta samu nasara da ci 2-0 Reuters

Wannan ne karon farko da Gareth Bale ya hadu da toshuwar kungiyar shi tun bayan komawarsa Real Madrid a 2013 a matsayin tsadadden dan wasan kwallon kafa a duniya.
Kusan dai Fam Miliyan 85 da rabi Real Madrid ta saye dan wasan daga Tottenham.

Bale ya jefa kwallon ne a raga ana minti 79 da soma wasa, bayan James Rodriguez ya fara zira kwallo a ragar Tottenham tun kafin aje hutun rabin lokaci.

Bayern Munich kuma ta lallasa AC Milan ne 3 da 0, kuma a yau Laraba ne Bayern za ta kara da Real Madrid domin lashe kofin Kamfanin Audi mai kera motoci da ake gudanarwa kafin soma kaka duk shekara.