Isa ga babban shafi
wasanni

An sace tubalin da Messi ya aza a filin wasanni na Gabon

An sace tubulin da Lionel Messi na Argentina ya aza a  filin wasannin  da Kasar Gabon ke gina wa saboda daukan bakwancin gasar cin kofin nahiyar Afrika a shekara ta 2017.

Messi lokacin da yake aza tubalin
Messi lokacin da yake aza tubalin equipe.fr
Talla

Shugaban kasar ta Gabon Ali Bongo Ondimba ya gayyaci Lionel Messi domin ya aza wannan tubulin na ginin katafaran filin wasanni dake yankin Port Gentil a ranar asabar din data gabata.

Jim kadan da sace tubulin hukumomin kasar sun kira jami’an tsaro domin su bada cikakkun bayanai kan yadda lamarin ya faru.

A bangare guda, ziyarar Messi ta haifar da cece kuce a kasar inda aka zargi gwamantin Gabon da bashi kudade har Euro miliyan 3 da rabi domin ya kawo ziyarar yayin da al-ummar kasar ke fama da kunci na rayuwa.

To sai dai fadar Shugaban Kasar ta musanta wannan zargin.

Kuma wasu na ganin irin shigar da Messi ya yi a lokacin ziyarar kamar ya nuna kaskanci ne ga mutanen Afrika inda ya sanya gajeren wando da wata karamar farar riga da zane a jikinsa.
 

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.