Lampard ya ceto Ingila, Van Persie ya samu rauni - Wasanni - RFI

 

Saurare Saukewa Podcast
  • 06h00 - 06h30 GMT
    Labarai 06/07/2015 06:00 GMT
  • 07h00 - 07h30 GMT
    Labarai 06/07/2015 07:00 GMT
  • 16h00 - 17h00 GMT
    Labarai 06/07/2015 16:00 GMT
  • 20h00 - 20h30 GMT
    Labarai 05/07/2015 20:00 GMT

Labaran karshe

  • Ministocin mayan kasashe na ganawa da Ministan harakokin wajen Iran a birni Vienna
  • Fira ministan Burkina Faso Isaac Zida ya musanta jita jitar yin murabis
  • Asusun bayar da Lamuni na IMF zai taimakawa Girka inji Lagarde
Rufewa

Wasanni

Wasanni Kwallon Kafa Gasar Cin Kofin Duniya

Lampard ya ceto Ingila, Van Persie ya samu rauni

media Dan wasan Holland Robin van Persie a lokacin da ya samu rauni a wasa neman shiga gasar cin kofin Duniya tsakanin Holland da Hungary REUTERS/Laszlo Balogh

A wasannin neman shiga gasar cin kofin Duniya da aka gudanar a jiya Talata a kasashen Turai, a filin wasa na Wembley, wasa tsakanin Ingila da Ukraine an tashi ne kunnen doki ci 1-1 kuma Frank Lampard ne ya taimakawa Ingila zira kwallo a raga, sai dai kafin kammala wasan alkalin wasa ya ba Steven Gerrard jan kati.

Kasar Italia kuma ta lashe wasanta na farko a fafatawar neman shiga gasar cin kofin Duniya, inda a jiya ta doke Malta ci 2-0 a birnin Modena. Mattia Destro da Federico Peluso ne suka zirawa Italia kwallayenta a raga.

Dan wasan Valencia ne kuma Roberto Saldado ya taimakawa Spain doke Georgia ci 1-0.

Kasar Belarus kuma tasha kashi ne hannun Faransa ci 3-1.

Kasar Holland kuma ta doke Hungary ci 4-1 a birnin Budapest. Sai dai dan wasan Manchester United Robin Van Persie bai sha da dadi ba domin ya fice wasan saboda rauni.

Kasar Romania ta doke Andorra ne ci 3-0. Kamar yadda kasar Jamus ta lallasa Austria ci 2-1. Marco Reus da Mesut Ozil su ne suka zirawa kasar Jamus kwallayenta biyu a raga. Yayin da kuma Zlatko Junuzovic ya zira wa Austria kwallonta daya a ragar Jamus
A birnin Istanbul kuma kasar Turkiya ta lallasa Estonia ci 3-0. Kasar Rasha kuma ta doke Isra’ila ci 4-0.

Kasar Azerbaijan kuma ta sha kashi ne hannun Portugal ci 3-0.
 

A game da wannan maudu'i
Sharhi
 
Yi hakuri lokacin ci gaba da kasancewa da mu ya kure