Rafael Nadal ya lashe kofin Roland Garros - Wasanni - RFI

 

Saurare Saukewa Podcast
  • 06h00 - 06h30 GMT
    Labarai 03/08/2015 06:00 GMT
  • 07h00 - 07h30 GMT
    Labarai 03/08/2015 07:00 GMT
  • 16h00 - 17h00 GMT
    Labarai 03/08/2015 16:00 GMT
  • 20h00 - 20h30 GMT
    Labarai 02/08/2015 20:00 GMT
Rufewa

Wasanni

Wasanni Tennis Roland Garros

Rafael Nadal ya lashe kofin Roland Garros

media Dan kasar Spain Rafael Nadal a lokacin da ya ke daga kofin shi na bakwai a gasar Roland Garros da ake gudanarwa a Faransa REUTERS/Benoit Tessier

Rafael Nadal ya lashe kofin Roland Garros, gasar French Open da ake gudanarwa a Faransa a karo na bakwai bayan ya lallalsa Novak Djokovic a wasan karshe da aka kwashe kwana biyu ana gudanarwa saboda ruwan sama. Nadal shi ne mutum na farko da ya lashe kofin gasar sau Bakwai.

Novak Djokovic dai a bana ya yi fatar lashe grand slams ne guda hudu bayan ya lashe Wimbledon, US Open da Australian Open

Ruwan sama da aka tabka a birnin Paris a ranar Lahadi shi ne ya kawo tsaikun kammala wasan karshe a fafatawar Novak Djokovic da Rafel Nadal, inda aka dage wasan zuwa ranar Litinin.

Novak Djokovic dai shi ne na daya a duniya kuma Rafeal Nadal ne ke bi masa a matsayin na biyu.

Sai dai Djokovic bai taba samun galabar Nadal ba a Rolanda Garros amma ya lallasa Nadal sau uku a wasu wasannin karshe da suka fafata.

Djokovic ne dai ya yi waje da Roger Federer a wasan kusa da karshe, kuma ya rama kashin da ya sha ne hannun Ferderer a bara.

A ranar Assabar ne a karon Farko Maria Sharapova ‘Yar kasar Rasha ta lashe kofin gasar Rolland Garros ta French Open da ake gudanarwa a kasar Faransa bayan ta doke Sara Errani ta Italiya.

Sharapova dai yanzu ta shiga sahun mata 10 suka lashe Roland Garros bayan ta lashe kofin Wimbledon da Us Open da Australian Open.
 

A game da wannan maudu'i
Sharhi
 
Yi hakuri lokacin ci gaba da kasancewa da mu ya kure