Gwamnatin Brazil ta amince a sayar da Giya a filayen wasa

Shugabar kasar Brazil Dilma Rousseff ta amince da kokar halatta sayar da giya a filin wasa a lokacin gasar cin kofin Duniya da za’a gudanar a Brazil a shekarar 2014.

Tsohon shugaban hukumar kwallon kafar Brazil, Ricardo Teixeira, yana gaisawa da ronaldo tsohon dan wasan Brazil a lokacin da zasu gudanar da wani taron kwamitin shirya gasar cin kofin Duniya da Brazil zata dauki nauyi a shekarar 2014. REUTERS/Sergio Moraes

A watan jiya ne dai majalisar dattijan Brazil suka amince da kudirin dokar bayan haramta sayar da giyar a filiyen wasa a shekarar 2003.

Akwai dai masu adawa da wannan matakin a Brazil wadanda suke ganin sayar da giyar kan iya haifar da rikici a filayen wasa ta la’akari da kiyayya da ke tsakanin wasu magoya bayan kasashe musamman Brazil da Argentina.