Jam'iyyun siyasa na tattaunawa don kafa Gwamnati bayan zabe

Jam’iyyar Sinn Fein a kasar Ireland ta zama jam’iyya ta biyu mafi girma a Majalisar dokokin kasar, abinda zai bata damar shiga sabuwar gwamnati a dama da ita.Bayan kamala kidaya kuri’u jiya talata, Sinn Fein ta samu kujeru 37 daga cikin 160 dake Majalisar wakilai, a zaben da mutane sama da kasha 62 suka kada kuri’a.

Yar takara a jam'iyyar Sinn Fein Mary Lou McDonald a birnin Dublin RFI/Jan van der Made

Jam’iyyar Fianna Fail ke kan gaba da kujeru 38, yayin da Jam’iyyar Firaminista Leo Varadkar ta Fine Gael ke da kujeru 35 a Majalisar.

Tuni aka fara tattaunawa domin kafa sabuwar gwamnati.

Zaben ya kasance zakaran gwajin dafi ga Firaministan kasar tun bayan ficewar Birtaniya daga cikin gungun kasashen Turai.