Isa ga babban shafi
Venezuela

Dubban 'yan Venezuela sun tsere zuwa Spain

Rahotanni daga Venezuela sun ce dubban ‘yan kasar sun tsere zuwa Spain, don gujewa rikicin siyasar da ke barazanar juyewa zuwa kazamin rikici, tsakanin shugaba Maduro da jagoran ‘yan adawa Juan Guaido da kasashen Turai ke marawa baya a matsayin shugaban rikon kwarya.

Dubban 'yan Venezuela sun tsere zuwa Spain don gujewa rikicin Siyasa.
Dubban 'yan Venezuela sun tsere zuwa Spain don gujewa rikicin Siyasa. OrissaPOST
Talla

Ma’aikatar kididdigar Spain ta ce a halin yanzu, ‘yan kasar Venezuela kimanin dubu 255 ne suka shiga kasar.

Sai dai wata majiya da kungiyar ‘yan Venezuela mazauna kasashen ketare ta ce yawan wadanda suka tsere zuwa Spain din zai iya kaiwa dubu 300, idan aka hada da wadanda suka ketara cikin kasar babu izni.

A halin da ake ciki Amurka ta mikawa kwamitin tsaron majalisar dinkin duniya kudurin tilasta shigar da kayan agaji cikin Venezuela, wadana shugaba Maduro ya sha alwashin hanawa, sai kuma tilasta shirya sabon zaben shugaban kasar.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.