Sabuwar tarzomar adawa da manufofin gwamnatin Faransa

A Faransa masu adawa da manufofin gwamnatin Emmanuel Macron sun bukaci a gudanar da zanga-zanga karo na 8 a sassa daban daban a wannan asabar, irinta ta farko a wannan  sabuwar shekara.

Masu zanga-zanga a Champs Elysée ranar 31 disamba 2018 reuters

Zanga-zangar dai na zuwa ne kwanaki biyu bayan da jami’an tsaro suka cafke daya daga cikin jagoran masu tarzomar mai suna Erid Drouet, wanda mahukunta ke zargi da karya doka.

Bayan sassaucin da Emmanuel Macron ya yi dangane da batun karin haraji akan makamashi, gwamnatin Faransa ta bayyana cewa cigaba da tarzomar abu ne da ya saba wa doka.