Isa ga babban shafi
Amurka

Gobarar dajin California na barazana ga yankuna masu yawan jama'a

Jami’an kwankwana da ke fafutukar kashe gobarar dajin da ta lashe fadin kasa mai yawa a jihar California, sun bada umarnin kwashe dubban mutane daga gidajensu, a dai dai lokacin da gagarumar gobarar ke dada matsar inda jama’a ke da yawa.

Gobarar daji yayin da ta mamaye tsaunukan Santiago, da ke jihar California, 6 ga watan Agusta, 2018.
Gobarar daji yayin da ta mamaye tsaunukan Santiago, da ke jihar California, 6 ga watan Agusta, 2018. REUTERS
Talla

Jami’an sun ce kwashe jama’ar ya zama tilas, la’akari da yadda iskar yankin ke dada gurbacewa a dalilin hayakin da gobarar dajin ke fitarwa, musamman a yankin arewacin jihar ta California.

Zuwa yanzu dai jami’an kwankwana sun sanar da samun nasarar shawo kan kashi 51 na gobarar dajin a arewacin jihar, bayan da ta kone kadada akalla dubu 180,000 na fadin kasa, tare da sanadin hallakar jami’an kwana kwana uku da fararen hura biyar.

Sama da jami’an kwana-kwana dubu 14,000 ne har yanzu ke fafutukar kawo karshen gobarar, wadda ta tilastawa mutane sama da dubu 21,000 tserewa daga gidajensu.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.