Kotun London ta daure ma'aurata saboda kashe 'yar aiki

Wata kotu a birnin London ta yi wa wasu ma’aurata biyu ‘yan asalin Faransa daurin rai-da-rai a gidan yari bayan ta same su da laifin kashe wata matashiya da ke yi musu aikace-aikace na gida.

Sabrina Kouider wadda ta kashe 'yar aikinta da duka bayan ita da mai gidanta sun masa ma ta da duka Metropolitan Police/Handout via REUTERS

Bayanai na cewa, Sabrina Kouider da mai gidanta Ouissem Medouni sun kuma yi kokarin kona gawar Sophie Lionnet mai shekaru 21 bayan sun kashe ta a bara.

Mai shigar da kara a kotun ta Old Bailey, Aisling Hosein ta ce, matashiyar ta mutu ne sakamakon fuskantar azabtarwa da gan-gan.

Wadanda aka yanke wa hukuncin sun musanta aikata wannan laifi da kotu ta ce sun aikata.