Sakatariyar harkokin cikin gidan Birtaniya ta sauka daga mukaminta
Sakatariyar dake kula da harkokin cikin gidan Birtaniya Amber Rudd ta sauka daga mukamin ta saboda abinda ta kira yaudarar yan Majalisu kan adadin bakin da aka shirya kora daga kasar, matakin da ake ganin sa a matsayin babban koma baya ga gwamnatin Firaminista Theresa May.
Wallafawa ranar: Chanzawa ranar:
Rudd wadda ta fuskanci matsin lamba kan shirin korar bakin da suka fito daga kasashe renon Ingila, ta shaidawa yan Majalisun cewar babu wani adadi da aka yanke na korar bakin, amma daga bisani ta sanar da saukar ta daga mukamin lokacin da wata wasika ta fito fili wadda ke nuna akasin haka.
A wasikar da ta rubutawa Firaminista, Rudd tace ya dace ace ta fahimci abinda wasikar ta kunsa, saboda haka ta dauki alhakin kuskuren da tayi, kuma ta sauka daga mukamin ta.
Wannan murabus zai girgiza Theresa May wadda ranar juma’ar da ta gabata, ta bayyana cikaken goyan bayan ta ga Sakatariyar.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu