Arrangama tsakanin bakin haure da jami’an tsaro a Calais

A Faransa akalla bakin-haure biyar suka jikkata a birnin Calais na kasar, sakamakon arrangamar da aka yi tsakanin bakin hauren kasashen Afghanistan da kuma Eritria.

Bakin haure a yankin Calais na kasar Faransa PHILIPPE HUGUEN / AFP

Kamfanin dillancin labaran Faransa na AFP ya ruwaito cewa yanzu haka, an garzaya da wasu bakin haure 4 ‘yan kasar Eritria asibiti, domin cire musu harsasan da aka harbe su da su.

Fadan wanda bakin hauren suka shafe kimanin sa’o’i 2 suna gwabzawa, ya fara ne a lokacin da bakin hauren ke bin layin karbar abinci.

Kimanin bakin-haure ‘yan kasar Eritria 100 da kuma na Afghanistan 30 rikicin ya rutsa da su.