Ana zargin manyan jami'an ma'aikatar tsaro da rashawa

Masu bincike a ma’aikatar shari’a ta Faransa na zargin wasu jami’an ma’aikatar tsaron kasar da rashawa wajen bayar da hanyar jiragen saman dakon jiragen yakinta zuwa waje.

Jirgin dakon kaya samfurin Antonov lokacin da ya isar da kaya da dakaru a Mal RFI/Olivier Fourt

Tuni masu bincike suka kai samame a sashen da ke kula da ajiyar kayayyaki na ma’aikatar tsaron da ke Villacoublay kusa da birnin Paris, inda suka gudanar da bincike.

Jaridar Le Monde da ake bugawa a kasar ta ruwaito cewa ma’aikatar tsaron na bayar da hayar jiragen a kan kudaden da suka kama daga Euro milyan 50 zuwa milyan 60 kowace shekara a daidai lokacin da sojojin kasar ke fama da rashin jiragen da za su yi jigilarsu.