Isa ga babban shafi
Colombia

Colombia: Kungiyar 'yan tawayen FARC ta rikide zuwa jami'yya

Tsohuwar kungiyar ‘yan tawayen kasar Colombia mafi karfi wato FARC, da ta shafe shekaru 50, tana fafata yaki da sojin kasar, ta rikide zuwa jam’iyyar siyasa.

Shugaban tsohuwar kungiyar 'yan tawayen FARC Rodrigo Londono, yayinda yake sanar da juyewar kungiyar zuwa jam'iyyar siyasa a babban birnin kasar Colombia, Bogota, 1 ga Satumba 2017.
Shugaban tsohuwar kungiyar 'yan tawayen FARC Rodrigo Londono, yayinda yake sanar da juyewar kungiyar zuwa jam'iyyar siyasa a babban birnin kasar Colombia, Bogota, 1 ga Satumba 2017. REUTERS/Henry Romero
Talla

Kwamandan kungiyar, Rodrigo Londono ne ya sanar da haka, yayin da yake jawabi ga dubban magoya bayansu a birnin Bogota, inda ya ce a halin yanzu, kungiyar ta FARC ta canza alamarta daga hotunan bindigogi zuwa hoton jajayen furanni, sai dai har yanzu jami’yyar zata cigaba da amsa sunan FARC.

To sai dai masu sharhi kan siyasa, na ganin kungiyar ta FARC na da jan aiki a gabanta, na neman jan ra’ayoyin ‘yan kasar, bayan daukar matakin na juyewa zuwa jam’iyya daga kungiyar ‘yan tawaye, kasancewar wata kuri’ar jin ra’ayi da aka gudanar, ta nuna cewa akalla ‘yan kasar kashi 70% sun ce ba zasu kada mata kuri’a ba.

An dauki tsawon lokaci ana tafka muhawara tsakanin bangarorin 'yan kasar ta Colombia bisa cancantar afuwar da gwamnati ta yiwa mayakan tsohuwar kungiyar 'yan tawayen ta FARC tare da manyan kwamandojinsu, bayan ajiye makaman da suka yi, sakamakon cimma yarjejeniyar kawo karshen fadan da suka shafe shekaru suna gwabzawa.

 

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.