Isa ga babban shafi
Faransa

An hana motoci fitowa a Paris saboda yanayi

Birnin Paris na kasar Faransa na fama da matsalar gurbacewar yanayi a dai dai lokacin da sanyin hunturu ya fara, lamarin da ya tilasta wa hukumomi daukar matakin hana rabin motocin da ke birnin fitowa kan tituna.

An hana motoci zirga-zirga saboda yanayi a birnin Paris na Faransa
An hana motoci zirga-zirga saboda yanayi a birnin Paris na Faransa REUTERS/Gonzalo Fuentes
Talla

Wannan ne dai karo na farko a cikin shekaru10 da ake fuskantar irin wannan matsala a birnin, in da a yau Alhamis kwanaki uku kenan da daukar matakin hana rabin motocin birnin fitowa .
 

Gurbacewar yanayin ta haifar da jiri da ciwon ido da kuma mura ga jama’a, to sai dai duk da wadannan matsaloli da ake fama da su a birnin, mazaunansa na nuna adawa da matakan da ake dauka na hana zirga-zirgar.

A wani mataki na magance yiyuwar karancin ababan hawa, gwmanati ta samar da motoci da ke jigilar jama’a kyauta a tsawon wadannan kwanaki.
 

Tun kafin lokacin tsanantar hunturun bisa ga al’ada, tuni sanyi ya yi matukar muni a birnin da kuma wasu yankuna na Faransa, in da kuma iska ta daina kadawa, yayin da haske ya ragu.

LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.

Ku saurari dukannin labaran duniya ta hanyar sauke man hajar RFI

Rarbawa :
Babu shafi

Babu bayanan da ka bukata ko kuma sam babu su.