Bakin haure-Faransa ta karfafa matakan tsaro

Kasar Faransa ta karfafa matakan tsaro a kusa da mastugunin bakin hauren dake Calais sakamakon kwashe kwanaki biyu ana dauki ba dadi tsakanin bakin da jami’an tsaro.

Wani matsugunnin bakin haure a yankin Calais na Faransa. Reuters/路透社

Fabieene Buccio, jami’in karamar hukuma ya ce ‘yan Sanda 27 suka samu raunuka a tashin hankalin sai dai ba a bada adadin bakin hauren da suka samu raunuka ba.

Adadin bakin da suka isa Calais ya ribanya tsakanin watan Yuni da Agusta.