Cameron ya yi watsi da bukatar Argentina game da Falklands

Firaministan Britaniya, David Cameron, ya yi watsi da bukatar kasar Argentina, na mayar wa kasar Tsibirin Falklands, wanda ya haifar da kace nace tsakanin kasashen biyu. Cameron yace mutanen tsibiran 3,000 sun bukaci ci gaba da zama karkashin kasar Britaniya, saboda haka babu dalilin da zai sa ya koma karkashin Argentina.

Firaministan Birtaniya, David Cameron REUTERS/Darren Staples

Britaniya ta karbe tsibirin ne shekaru 180 da suka gabata, bayan sun gwabza yaki a tsakanin su, inda yanzu haka Argentina ke bukatar ganin an mayar mata da Yankin.