Hollande da Sarkozy sun yi kafada a bukin tuna Yakin Duniya

Shugaba mai jiran gado a kasar faransa, Francois Hollande da shugaban kasar mai barin gado, Nicolas Sarkozy a jiya talata sun tsaya kafada da kafada a wani taron tunawa da yakin duniya na biyu kwana uku kacal bayan zaben da aka gudanar lahadin da ta gabata.

François Hollande tare da Nicolas Sarkoz a ranar 8 ga watan Mayu lokacin da ake bukin tuna yakin Duniya na Biyu a birnin Paris Reuters

Wannan shi ne karon farko da shugabanin biyu su ka hadu bayan zaben da aka yi a ranar lahadin da ta gabata wanda, Hollande ya ka da Sarkozy.

Hollande wanda da za a rantsar a ranar 15 ga watan Mayu an nuna su tare da Sarkozy sun ajiye furanni a tare a wani waje da aka kebe a birnin Paris domin tunawa da ranar yakin duniya na biyu.

Fadar shugaban kasar Faransa dai ta aika wa Hollande takardar gayyata ne wajen taron wacce kuma ya amsa.

 A kasar faransa an kebe, takwas ga watan Mayun kowace shekara don tunawa da yakin duniya na biyu inda ake rufe makarantu da bankuna.