Saurare Saukewa Podcast
  • 06h00 - 06h17 GMT
    Labarai 21/11 06h00 GMT
  • Labarai 06h00 - 06h06 GMT Asabar-Lahadi
    Labarai 17/11 06h00 GMT
  • Shirye-shirye 06h06 - 06h26 GMT Asabar-Lahadi
    Shirye-shirye 17/11 06h06 GMT
  • 06h17 - 06h27 GMT
    Shirye-shirye 21/11 06h17 GMT
  • Labarai 07h00 - 07h06 GMT Asabar-Lahadi
    Labarai 17/11 07h00 GMT
  • 07h00 - 07h17 GMT
    Labarai 21/11 07h00 GMT
  • Shirye-shirye 07h06 - 07h26 GMT Asabar-Lahadi
    Shirye-shirye 17/11 07h06 GMT
  • 07h17 - 07h27 GMT
    Shirye-shirye 21/11 07h17 GMT
  • Labarai 16h00 - 16h30 GMT Litinin-Jumma`a
    Labarai 20/11 16h00 GMT
  • Labarai 16h00 - 16h06 GMT Asabar-Lahadi
    Labarai 17/11 16h00 GMT
  • Shirye-shirye 16h06 - 16h26 GMT Asabar-Lahadi
    Shirye-shirye 17/11 16h06 GMT
  • Labaran Duniya 16h30 - 16h40 GMT Litinin-Jumma`a
    Labarai 20/11 16h30 GMT
  • Labarai 16h00 - 16h06 GMT Asabar-Lahadi
    Labarai 17/11 16h30 GMT
  • Shirye-shirye 16h36 - 16h56 GMT Asabar-Lahadi
    Shirye-shirye 17/11 16h36 GMT
  • Ra'ayoyin Masu Saurare 16h40 - 16h55 GMT Litinin-Jumma`a
    Jin Ra'ayoyin Masu Saurare 20/11 16h40 GMT
  • Labarai 20h00 - 20h06 GMT Asabar-Lahadi
    Labarai 17/11 20h00 GMT
  • 20h00 - 20h17 GMT
    Labarai 20/11 20h00 GMT
  • Shirye-shirye 20h06 - 20h26 GMT Asabar-Lahadi
    Shirye-shirye 17/11 20h06 GMT
  • 20h17 - 20h27 GMT
    Shirye-shirye 20/11 20h17 GMT
Domin more wa abubuwan da ke ciki, dole ne a tabbatar da cewa an sanya Flash Domin shiga sai an hada cookies a cikin shafin bincike
Najeriya

Tsokacin masana kan sabuwar wasikar Obasanjo

media Tsohon shugaban Najeriya Olusegun Obasanjo. REUTERS/Joe Penney

Kalubalen da Najeriya ke fuskanta daga bangarori daban daban na ci gaba da haifar da muhawara kan gazawa da kuma kokarin hukumomin kasar wajen kawo karshen matsalolin da ke ci wa jama'a tuwo a kwarya, musamman sha’anin tsaro.

A baya bayan nan dai hare-haren ‘yan bindiga da wasu ke dangantawa da makiyaya shi ne babban al’amarin da yan Najeriya ke ci gaba da tofa albarkacin bakinsu akai, ciki harda wasu tsaffin shugabannin kasar, masana, jagororin addini, ‘yan siyasa da sauran masu ruwa da tsaki.

Wasu bangarori dai na kallon matsalar tsaron ta hare-haren ‘yan bindiga a matsayin gazawar gwamnatin shugaban Najeriya Muhammadu Buhari, kamar yadda a farkon makon nan masanin adabi a kasar Farfesa Wole Soyinka ya bayyana, a lokacin da yake tsokaci kan halin da tsaro ke ciki.

Sa’a’o’i bayan tsokacin na Soyinka ne kuma, tsohon shugaban Najeriya, Olusegun Obasanjo, ya rubuta budaddiyar wasika ga shugaban kasar Muhammadu Buhari, inda ya gargade shi da ya gaggauta daukar matakan ceto kasar wanda yanzu ta kama hanyar tabarbarewa saboda matsalolin tsaro dake haifar da rasa dimbin rayuka.

Cikin wasikar, Obasanjo yace lokaci na kurewa yayinda al’ummar kasar ke ci gaba da bayyana korafinsu daga kowanne bangare.

Obasanjo ya bayyana wasu abubuwa 4 da yace suna damunsa da suka hada da barin kasar a hannun masu aikata laifi da ake danganta su da Fulani da Boko Haram, da shirin ramuwa kan Fulani daga wadanda aka kaiwa hari, hari kan wata kabila da ke iya haifar da ramuwar gayya, da kuma bore daga wani sashi na kasa.

Dakta Saleh Muhammed Kanam na Jami’ar Jihar Bauchi da ke tarayyar Najeriya, na daya daga cikin masanan da suka yi tsokaci kan budaddiyar wasikar tsohon shugaba Obasanjo.

Yayin tattaunawa da sashin Hausa na RFI, Dakta Kanam ya ce Obasanjo na kokarin wanke kansa ne daga katobarar da yayi a ‘yan kwanakin da suka gabata, na bayyana zargin cewa, shugaban Najeriya Muhammadu Buhari na kokarin Musuluntar da Najeriya tare dai maida kasar karkashin ikon Fulani, zargin da a waccan lokacin ya jawowa tsohon shugaban suka daga bangarori da dama.

Dangane da batun korafi kan gazawar gwamnati kuwa, Dakta Kanam, ya zargi gwamnatocin jihohi musamman na arewacin Najeriya da gazawa wajen hada kai, da kuma daukar matakan da suka dace a matakin farko wajen magance matsalolin da al’ummominsu ke ciki.

A cewar Daktan, gazawar gwamnonin a fannoni daban-daban ya sa hankula suka koma kan gwamnatin tarayya, abinda yace ba shi ne ya dace ba.

Dakta Saleh Kanam kan sabuwar wasikar Obasanjo 16/07/2019 - Daga Bashir Ibrahim Idris Saurare

Yan Najeriya dai na ci gaba da muhawara kan wasikar tsohon shugaba Olusegun Obasanjo, inda wasu ke goyon bayan abubuwan daya zayyana cikin, tare da bukatar ganin an sauraresu da kunnen basira, yayinda a gefe guda wasu ke kallon wasikar a matsayin yunkuri na haifar da kace-nace.

A game da wannan maudu'i
Sharhi
 
Yi hakuri lokacin ci gaba da kasancewa da mu ya kure