Saurare Saukewa Podcast
  • Labarai 06h00 - 06h06 GMT Asabar-Lahadi
    Labarai 21/09 06h00 GMT
  • 06h00 - 06h17 GMT
    Labarai 20/09 06h00 GMT
  • Shirye-shirye 06h06 - 06h26 GMT Asabar-Lahadi
    Shirye-shirye 21/09 06h06 GMT
  • 06h17 - 06h27 GMT
    Shirye-shirye 20/09 06h17 GMT
  • 07h00 - 07h17 GMT
    Labarai 20/09 07h00 GMT
  • Labarai 07h00 - 07h06 GMT Asabar-Lahadi
    Labarai 21/09 07h00 GMT
  • Shirye-shirye 07h06 - 07h26 GMT Asabar-Lahadi
    Shirye-shirye 21/09 07h06 GMT
  • 07h17 - 07h27 GMT
    Shirye-shirye 19/09 07h17 GMT
  • Labarai 16h00 - 16h06 GMT Asabar-Lahadi
    Labarai 21/09 16h00 GMT
  • Labarai 16h00 - 16h30 GMT Litinin-Jumma`a
    Labarai 19/09 16h00 GMT
  • Shirye-shirye 16h06 - 16h26 GMT Asabar-Lahadi
    Shirye-shirye 21/09 16h06 GMT
  • Labaran Duniya 16h30 - 16h40 GMT Litinin-Jumma`a
    Labarai 20/09 16h30 GMT
  • Labarai 16h00 - 16h06 GMT Asabar-Lahadi
    Labarai 21/09 16h30 GMT
  • Shirye-shirye 16h36 - 16h56 GMT Asabar-Lahadi
    Shirye-shirye 21/09 16h36 GMT
  • Ra'ayoyin Masu Saurare 16h40 - 16h55 GMT Litinin-Jumma`a
    Jin Ra'ayoyin Masu Saurare 20/09 16h40 GMT
  • 20h00 - 20h17 GMT
    Labarai 20/09 20h00 GMT
  • Labarai 20h00 - 20h06 GMT Asabar-Lahadi
    Labarai 21/09 20h00 GMT
  • Shirye-shirye 20h06 - 20h26 GMT Asabar-Lahadi
    Shirye-shirye 21/09 20h06 GMT
  • 20h17 - 20h27 GMT
    Shirye-shirye 20/09 20h17 GMT
Domin more wa abubuwan da ke ciki, dole ne a tabbatar da cewa an sanya Flash Domin shiga sai an hada cookies a cikin shafin bincike
Najeriya

Dattawan Kano sun gargadi Buhari da Ganduje kan sabbin masarautu

media Gwamnan Jihar Kano Abdullahi Umar Ganduje, yayin taya shugaban Najeriya Muhammadu Buhari murnar lashe zaben shugaban kasa. Kano State Government

Wasu dattawan Jihar Kano sun yi gargadin cewa matakin da gwamnan jihar Abdullahi Umar Ganduje ya dauka, na nada sabbin Sarakuna guda 4 masu daraja ta 1, ka iya haifar da rikici.

Wasu daga cikin Dattawan da suka sa hannu kan sanarwar gargadin da suka fitar, sun hada da Dakta Abubakar Sadiq Muhammad, Bashir Yusuf Ibrahim, Bashir Tofa, Dakta Usman Bugaje, da kuma Farfesa Jibril Ibrahim, wadanda suka ce kirkirar karin masarautun 4, zai siyasantar da tsarin mulkin gargajiya, lamarin da zai haifar da rabuwar kawunan jama’a da kuma rikici a nan gaba.

Sanarwar ta kuma bukaci shugaban Najeriya Muhammdu Buhari ya sa baki cikin maganar, domin tsawatarwa Ganduje ya janye matakin da ya dauka, zalika ya kamata gwamnatin Najeriya ta baiwa wannan sabuwar matsala da ta kunno kai muhimmancin da ya kamata.

Jan hankalin Dattawan na Kano, ya zo ne bayan da Babbar kotun Jihar ta soke nadin sabbin sarakunan da Gwamna Abdullahi Ganduje ya yi, inda ta ayyana matakin a matsayin wanda ya saba wa doka, yayinda ta bukaci a koma kan tsarin da ake kai kafin ta kammala sauraren karar da aka shigar a gabanta.

Masu Zaben Sarki a masarautar Kano da suka hada da Sarkin Dawaki Maituta Alhaji Bello Abubakar da Sarkin Bai, Alhaji Mukhtar Adnan, da Madakin Kano, Alhaji Yusuf Nabahani, da Makaman Kano, Alhaji Sarki Ibrahim Makama ne suka garzaya kotun don kalubalantar matakin Ganduje na kirkirar sabbin masarautu hudu.

Masarautun da gwamnan Kano Ganduje ya daga zuwa masu daraja 1 sun hada da Rano, Karaye, Bichi da kuma Gaya.

Hakan na nufin jihar Kano ta rabu zuwa masarautu 5, inda a yanzu kananan hukumomi 8 ne kawai suke karkashin mulkin Sarkin Kano Muhammadu Sunusi na II, yayinda aka raba sauran kananan hukumomi 36 zuwa karkashin sabbin Sakaruna masu daraja ta 1 da aka nada.

A halin yanzu masarautar Bichi na da kananan hukumomi 9 da ke karkashinta, da suka hada da Bagwai, Shanono, Kunchi, Tsanyawa, Bichi, Dambatta, Dawakin Tofa, Tofa da kuma Makoda.

Masarautar Gaya ma dai kananan hukumomi 9 ke karkashinta, da suka hada da Ajingi, Albasu, Gaya, Wudil, Garko, Dawakinkudu, Gabasawa, Gezawa da kuma Warawa.

Masarautar Karaye ta kunshi kananan hukumomin, Garunmalam, Kabo, Rimingado, Madobi, Gwarzo, Karaye, da kuma Rogo.

A karshe masarautar Rano a halin yanzu na da kananan hukumomi 10 da suka kunshi, Kibiya, Takai, Sumaila, Kura, Doguwa, Rano, Bunkure, Tudunwada, Kiru da kuma Bebeji.

A game da wannan maudu'i
Sharhi
 
Yi hakuri lokacin ci gaba da kasancewa da mu ya kure