Buhari ya jinjina wa shugaban Facebook

Shugaban Najeriya Muhammadu Buhari ya jinjina wa shugaban kamfanin sadarwa na facebook, Mark Zuckerberg saboda yadda ya zaburar da matasan kasar a fannin fasahar sadarwa.

Shugaban Najeriya, Muhammadu Buhari da mataimakinsa, Yemi Osinbajo da kuma shugaban facebook, Mark Zuckerberg a birnin Abuja

Buhari ya yi jinjinar ne bayan ya gana da Zuckerberg a fadarsa da ke birnin Abuja a jiya jumma’a.

A ranar Talatar da ta gabata ne, Zuckerberg mai shekaru 32 kuma na biyar wajen arziki a duk fadin duniya, ya ziyarci birnin Legas, inda ya gana da matasa masu shawa’ar bunkasa ilimin sarrafa kwamfuta.

Zuckerberg ya ce, matasan Najeriya nada basira a fannin fasahar sadarwa.