Rikicin zaben Shugaban majalisar dattijan Najeriya ya kusa karewa

Da alama dambarwar siyasar data kunno kai jam’iyyar APC mai mulki a Najeriya na gab da kawo karshe, bayan da uwar jam’iyyar ta bayyana amincewa da Sanata Bukola Saraki a matsayin shugaban majalisar Dattijan kasar.

Shugaban Majalisar Dattijan Najeriya Bukola Saraki REUTERS/Afolabi Sotunde

Kafafen yada labarun kasar sun rawaito shugaban jam’iyyar na kasa Cif John Odigie-Oyegun, na cewa tunda Sanatocin sun zabi Saraki a matsayin shugabansu, a shirye jam’iyyar take ta amince da hakan.
A baya uwar jam’iyyar ta APC ta sa kafa tayi fatali da zaben da wasu sanatocin kasar suka yiwa Saraki a matsayin shugaban majalisar, maimakon Sanata Ahmed Lawan da jiga jigan jam’iyyar suka so a zaba.
Bayan zaben, uwar jam’iyyar ta APC ta kuma yi barazanar sanya wa Sanata Saraki takunkumi, saboda kunnen kashin da yayi wa umarnin jam’iyyar.