Zama kusa da tittuna na haddasa mantuwa
Wani bincike masana kiwon lafiya daga Britaniya, ya ce zama kusa da manyan tittuna na haddasa ciwon mantuwa.Masanan sun tabbatar da haka ne bayan aiwatar da kwaje-kwaje kan wasu mutane miliyan 6 tsakanin 2001-2012.
Wallafawa ranar:
Binciken da aka wallafa a jaridar kiwon lafiyar Britaniya, na cewa mutane da ke zaman tazarar mita 50 da tittuna da ake hada-hada su sukafi kamuwa da kashi 7 cikin 100 na ciwon mantuwa.
Binciken da aka aiwatar kan rayuwar mutum miliyan 6 a Kanada tsawon shekara 11, sun ce gurbatacciyar iska da hayaniyar ababen hawa na tasiri ga dakushewar kwakwalwa.
A cewar Hukumar lafiya ta WHO, mutane miliyan 47 da rabi ke fama da ciwon mantuwa a duniya, wanda ke tasiri matuka ga rayuwar su.
Kuma a kowacce shekarar a kan samu mutane sama da miliyan 7 dauke da ciwon na mantuwa inda kashi 60 zuwa 70 daga cikinsu kan kare rayuwarsu cikin karkarwar jiki.
Ciwon mantuwa na hadda shanyewan jiki da hawan jinni a cewar masana.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu