Ingila ta rushe mafarkin Senegal a gasar cin kofin duniya

Ingila za ta fafata da Faransa a wasan dab da na kusa da na karshe na gasar cin kofin duniya da ke gudana a Qatar, bayan ta doke Senegal da ci 3-0.

'Yan wasan Ingila kenan da suke taya Bukayo Saka murnar zura kwallo a ragar Senegal REUTERS - KAI PFAFFENBACH

Tawagar Gareth Southgate ta tsallake rijiya da baya a filin wasa na Al Bayt kafin Jordan Henderson da Harry Kane suka far wa Senegal kafin a tafi hutun rabin lokaci.

Bukayo Saka ne ya zura kwallo ta uku a ragar Senegal, amma kwazon da Bellingham ya taimakawa Ingila kasancewa ja gaba a wasan.

Bellingham ne ya taimakawa Henderson kuma dan wasan tsakiya na Borussia Dortmund ya zura kwallon farko, inda daga bisani kyaftin din Ingila Harry Kane ya ci kwallonsa ta farko a gasar cin kofin duniya.

A yanzu Kane ya zura kwallo 11 a manyan gasa, inda ya wuce Gary Lineker a matsayin wanda ya fi kowa zura kwallo ga kasar.

shekarar 1966, bayan da ya riga ya bayyana kwarewar sa a fagen kwallon kafa ta duniya inda ya ci kwallonsa ta farko da Ingila ta doke Iran da ci 6-2 a rukuni.

Zakarun Afirka Senegal da farko ba su nuna fargaba ba yayin da suka matsawa tawagar Ingila, kafin daga bisani kuma lamura suka sauya.