Pulisic zai rasa wasar Chelsea da Arsenal saboda harbuwa da korona
Dan wasan gaba na Chelsea Chiristian Pulisic ya kamu da cutar Covid-19, lamarin da yasa bazai shiga daga fafatawar kungiyar sa da Arsenal ba a gasar Premier Ingila, kamar yadda Kocin Chelsea Thomas Tuchel ya bayyana wannan Jumma'a.
Wallafawa ranar:
Dan wasan na Amurka bai samu halartar atisayen budewa na Chelsea na ranar Laraba ba, kuma baya cikin wasan ranar Lahadi a filin wasa na Emirates yayin da ya kebe kansa.
Amma Hakim Ziyech da N’Golo Kante duk sun koma filin atisaye, kuma zasu tabbatar da koshin lafiyarsu a wasan da kungiyoyin London 2 zasu fafata.
Kungiyar kwallon kafa ta Chelsea ta fara gasar Firimiyar bana da kafar dama, inda ta lallasa Crystal Palace da ci 3-0 a karshen makon da ya gabata a gida.
LabaranSamun Labaran RFI, Hirarraki, Rubattattuun Labarai, Labarai game da wani, shirye-shirye.
Hulda da mu